Bojjhaṅgasaṃyutta Saṃyutta (SN 46)¶
Please make line by line translation. Breaking all sandhi and comp (naming type of comp). And fill the construction of verbs and participles in the last column
example:
| ID | Pāli | POS | Grammar | English | Construction |
|---|---|---|---|---|---|
| # | abhinimmitaṃ | pp | masc.acc.sg | created; produced | abhi + nī + √mā + ta |
SN46.1 himavantasutta¶
seyyathāpi, bhikkhave, himavantaṃ pabbatarājānaṃ nissāya nāgā kāyaṃ vaḍḍhenti, balaṃ gāhenti; te tattha kāyaṃ vaḍḍhetvā balaṃ gāhetvā kusobbhe otaranti, kusobbhe otaritvā mahāsobbhe otaranti, mahāsobbhe otaritvā kunnadiyo otaranti, kunnadiyo otaritvā mahānadiyo otaranti, mahānadiyo otaritvā mahāsamuddasāgaraṃ otaranti; te tattha mahantattaṃ vepullattaṃ āpajjanti kāyena.
evameva kho, bhikkhave, bhikkhu sīlaṃ nissāya sīle patiṭṭhāya satta bojjhaṅge bhāvento satta bojjhaṅge bahulīkaronto mahantattaṃ vepullattaṃ pāpuṇāti dhammesu.
kathañca, bhikkhave, bhikkhu sīlaṃ nissāya sīle patiṭṭhāya satta bojjhaṅge bhāvento satta bojjhaṅge bahulīkaronto mahantattaṃ vepullattaṃ pāpuṇāti dhammesūti? idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ; dhammavicayasambojjhaṅgaṃ bhāveti ... vīriyasambojjhaṅgaṃ bhāveti ... pītisambojjhaṅgaṃ bhāveti ... passaddhisambojjhaṅgaṃ bhāveti ... samādhisambojjhaṅgaṃ bhāveti ... upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.
evaṃ kho, bhikkhave, bhikkhu sīlaṃ nissāya sīle patiṭṭhāya satta bojjhaṅge bhāvento satta bojjhaṅge bahulīkaronto mahantattaṃ vepullattaṃ pāpuṇāti dhammesūti.
| 38325 | nissāya | ||||
|---|---|---|---|---|---|
| 36030 36031 |
nāgā | ||||
| 47973 | balaṃ | ||||
| 24874 | gāhenti | ||||
| 65869 | vaḍḍhetvā | ||||
| 24875 | gāhetvā | ||||
| 22706 | kusobbhe | ||||
| 18514 | otaritvā | ||||
| 51992 | mahāsobbhe | ||||
| 65326 | #sobbhe | ||||
| 22350 | kunnadiyo | ||||
| 51744 | mahānadiyo | ||||
| 51946 | mahāsamuddasāgaraṃ | ||||
| #mahāsamudda | |||||
| 62084 | #sāgaraṃ | ||||
| 51604 | mahantattaṃ | ||||
| 70379 | vepullattaṃ | ||||
| 41781 | patiṭṭhāya | ||||
| 48639 | bojjhaṅge | ||||
| 48196 | bahulīkaronto | ||||
| #bahula | |||||
| 20564 | #karonta | ||||
| 45664 | pāpuṇāti | ||||
| 57650 | satisambojjhaṅgaṃ | ||||
| 69618 | vivekanissitaṃ | ||||
| 68879 | virāganissitaṃ | ||||
| 38108 | nirodhanissitaṃ | ||||
| 70644 | vossaggapariṇāmiṃ | ||||
| 70643 | #vossaggaṃ | ||||
| 43444 | #pariṇāmiṃ | ||||
| 34911 | dhammavicayasambojjhaṅgaṃ | ||||
| 34910 | #dhammavicaya | ||||
| ##dhammassa | |||||
| 67414 | ##vicaya | ||||
| 60600 | #sambojjhaṅgaṃ | ||||
| 69924 | vīriyasambojjhaṅgaṃ | ||||
| 46405 | pītisambojjhaṅgaṃ | ||||
| 44750 | passaddhisambojjhaṅgaṃ | ||||
| 44749 | #passaddhi | ||||
| 59670 | samādhisambojjhaṅgaṃ | ||||
| 16462 | upekkhāsambojjhaṅgaṃ | ||||
SN46.2 kāyasutta¶
seyyathāpi, bhikkhave, ayaṃ kāyo āhāraṭṭhitiko, āhāraṃ paṭicca tiṭṭhati, anāhāro no tiṭṭhati; evameva kho, bhikkhave, pañca nīvaraṇā āhāraṭṭhitikā, āhāraṃ paṭicca tiṭṭhanti, anāhārā no tiṭṭhanti.
1 ko ca, bhikkhave, āhāro anuppannassa vā kāmacchandassa uppādāya, uppannassa vā kāmacchandassa bhiyyobhāvāya vepullāya? atthi, bhikkhave, subhanimittaṃ. tattha ayonisomanasikārabahulīkāro , ayamāhāro anuppannassa vā kāmacchandassa uppādāya, uppannassa vā kāmacchandassa bhiyyobhāvāya vepullāya.
2 ko ca, bhikkhave, āhāro anuppannassa vā byāpādassa uppādāya, uppannassa vā byāpādassa bhiyyobhāvāya vepullāya? atthi, bhikkhave, paṭighanimittaṃ. tattha ayonisomanasikārabahulīkāro, ayamāhāro anuppannassa vā byāpādassa uppādāya, uppannassa vā byāpādassa bhiyyobhāvāya vepullāya.
3 ko ca, bhikkhave, āhāro anuppannassa vā thinamiddhassa uppādāya, uppannassa vā thinamiddhassa bhiyyobhāvāya vepullāya? atthi, bhikkhave, arati tandi vijambhitā bhattasammado cetaso ca līnattaṃ. tattha ayonisomanasikārabahulīkāro, ayamāhāro anuppannassa vā thinamiddhassa uppādāya, uppannassa vā thinamiddhassa bhiyyobhāvāya vepullāya.
4 ko ca, bhikkhave, āhāro anuppannassa vā uddhaccakukkuccassa uppādāya, uppannassa vā uddhaccakukkuccassa bhiyyobhāvāya vepullāya? atthi, bhikkhave, cetaso avūpasamo. tattha ayonisomanasikārabahulīkāro , ayamāhāro anuppannassa vā uddhaccakukkuccassa uppādāya, uppannassa vā uddhaccakukkuccassa bhiyyobhāvāya vepullāya.
5 ko ca, bhikkhave, āhāro anuppannāya vā vicikicchāya uppādāya, uppannāya vā vicikicchāya bhiyyobhāvāya vepullāya? atthi, bhikkhave, vicikicchāṭṭhānīyā dhammā. tattha ayonisomanasikārabahulīkāro , ayamāhāro anuppannāya vā vicikicchāya uppādāya, uppannāya vā vicikicchāya bhiyyobhāvāya vepullāya.
seyyathāpi, bhikkhave, ayaṃ kāyo āhāraṭṭhitiko, āhāraṃ paṭicca tiṭṭhati, anāhāro no tiṭṭhati; evameva kho, bhikkhave, ime pañca nīvaraṇā āhāraṭṭhitikā, āhāraṃ paṭicca tiṭṭhanti, anāhārā no tiṭṭhanti.
seyyathāpi, bhikkhave, ayaṃ kāyo āhāraṭṭhitiko, āhāraṃ paṭicca tiṭṭhati, anāhāro no tiṭṭhati; evameva kho, bhikkhave, satta bojjhaṅgā āhāraṭṭhitikā, āhāraṃ paṭicca tiṭṭhanti, anāhārā no tiṭṭhanti.
1 ko ca, bhikkhave, āhāro anuppannassa vā satisambojjhaṅgassa uppādāya, uppannassa vā satisambojjhaṅgassa bhāvanāya pāripūriyā? atthi, bhikkhave, satisambojjhaṅgaṭṭhānīyā dhammā. tattha yonisomanasikārabahulīkāro, ayamāhāro anuppannassa vā satisambojjhaṅgassa uppādāya, uppannassa vā satisambojjhaṅgassa bhāvanāya pāripūriyā.
2 ko ca, bhikkhave, āhāro anuppannassa vā dhammavicayasambojjhaṅgassa uppādāya, uppannassa vā dhammavicayasambojjhaṅgassa bhāvanāya pāripūriyā? atthi, bhikkhave, kusalākusalā dhammā, sāvajjānavajjā dhammā, hīnapaṇītā dhammā, kaṇhasukkasappaṭibhāgā dhammā. tattha yonisomanasikārabahulīkāro , ayamāhāro anuppannassa vā dhammavicayasambojjhaṅgassa uppādāya, uppannassa vā dhammavicayasambojjhaṅgassa bhāvanāya pāripūriyā.
3 ko ca, bhikkhave, āhāro anuppannassa vā vīriyasambojjhaṅgassa uppādāya, uppannassa vā vīriyasambojjhaṅgassa bhāvanāya pāripūriyā? atthi, bhikkhave, ārambhadhātu nikkamadhātu parakkamadhātu. tattha yonisomanasikārabahulīkāro, ayamāhāro anuppannassa vā vīriyasambojjhaṅgassa uppādāya, uppannassa vā vīriyasambojjhaṅgassa bhāvanāya pāripūriyā.
4 ko ca, bhikkhave, āhāro anuppannassa vā pītisambojjhaṅgassa uppādāya, uppannassa vā pītisambojjhaṅgassa bhāvanāya pāripūriyā? atthi, bhikkhave, pītisambojjhaṅgaṭṭhānīyā dhammā. tattha yonisomanasikārabahulīkāro, ayamāhāro anuppannassa vā pītisambojjhaṅgassa uppādāya, uppannassa vā pītisambojjhaṅgassa bhāvanāya pāripūriyā.
5 ko ca, bhikkhave, āhāro anuppannassa vā passaddhisambojjhaṅgassa uppādāya, uppannassa vā passaddhisambojjhaṅgassa bhāvanāya pāripūriyā? atthi, bhikkhave, kāyapassaddhi, cittapassaddhi. tattha yonisomanasikārabahulīkāro, ayamāhāro anuppannassa vā passaddhisambojjhaṅgassa uppādāya, uppannassa vā passaddhisambojjhaṅgassa bhāvanāya pāripūriyā.
6 ko ca, bhikkhave, āhāro anuppannassa vā samādhisambojjhaṅgassa uppādāya, uppannassa vā samādhisambojjhaṅgassa bhāvanāya pāripūriyā? atthi, bhikkhave, samathanimittaṃ abyagganimittaṃ. tattha yonisomanasikārabahulīkāro, ayamāhāro anuppannassa vā samādhisambojjhaṅgassa uppādāya, uppannassa vā samādhisambojjhaṅgassa bhāvanāya pāripūriyā.
7 ko ca, bhikkhave, āhāro anuppannassa vā upekkhāsambojjhaṅgassa uppādāya, uppannassa vā upekkhāsambojjhaṅgassa bhāvanāya pāripūriyā? atthi, bhikkhave, upekkhāsambojjhaṅgaṭṭhānīyā dhammā. tattha yonisomanasikārabahulīkāro, ayamāhāro anuppannassa vā upekkhāsambojjhaṅgassa uppādāya, uppannassa vā upekkhāsambojjhaṅgassa bhāvanāya pāripūriyā.
seyyathāpi, bhikkhave, ayaṃ kāyo āhāraṭṭhitiko, āhāraṃ paṭicca tiṭṭhati, anāhāro no tiṭṭhati; evameva kho, bhikkhave, ime satta bojjhaṅgā āhāraṭṭhitikā, āhāraṃ paṭicca tiṭṭhanti, anāhārā no tiṭṭhantīti.
| 13231 | āhāraṭṭhitiko | ||||
|---|---|---|---|---|---|
| #āhārena | |||||
| 29117 | #ṭhitiko | ||||
| 4099 | anāhāro | ||||
| 13231 | āhāraṭṭhitikā | ||||
| 20982 | kāmacchandassa | ||||
| 50011 | bhiyyobhāvāya | ||||
| 64233 | subhanimittaṃ | ||||
| 64207 | #subha | ||||
| 37759 | #nimittaṃ | ||||
| 8801 | ayonisomanasikārabahulīkāro | ||||
| 8800 | #ayonisomanasikāra | ||||
| 8798 | ##ayoniso | ||||
| ##manasikāra | |||||
| 48200 | #bahulīkāro | ||||
| 8743 | ayamāhāro | ||||
| 8881 | arati | ||||
| 29898 | tandi | ||||
| 67551 | vijambhitā | ||||
| 49304 | bhattasammado | ||||
| 49285 | #bhatta | ||||
| #sammado | |||||
| 55867 | līnattaṃ | ||||
| 10758 | avūpasamo | ||||
| 67458 | vicikicchāṭṭhānīyā | ||||
| #vicikicchāya | |||||
| 29076 | #ṭhānīyā | ||||
| 13231 | āhāraṭṭhitiko | ||||
| 45799 | pāripūriyā | ||||
| 54322 | yonisomanasikārabahulīkāro | ||||
| 54321 | #yonisomanasikāra | ||||
| 22663 | kusalākusalā | ||||
| #kusala (ca) | |||||
| 243 | #akusala (ca) | ||||
| 62652 | sāvajjānavajjā | ||||
| 62643 | #sāvajja (ca) | ||||
| 3849 | #anavajja (ca) | ||||
| 71336 | hīnapaṇītā | ||||
| 19583 | kaṇhasukkasappaṭibhāgā | ||||
| 19581 | #kaṇhasukka | ||||
| 19560 | ##kaṇha (ca) | ||||
| 63407 | ##sukka (ca) | ||||
| 12414 | ārambhadhātu | ||||
| 12407 | #ārambha | ||||
| #dhātu | |||||
| 36731 | nikkamadhātu | ||||
| 36728 | #nikkamassa | ||||
| 42877 | parakkamadhātu | ||||
| 21191 | kāyapassaddhi | ||||
| 44749 | #passaddhi | ||||
| 26600 | cittapassaddhi | ||||
| 46406 | pītisambojjhaṅgaṭṭhānīyā | ||||
| 57652 | satisambojjhaṅgaṭṭhānīyā | ||||
| 16464 | upekkhāsambojjhaṅgaṭṭhānīyā | ||||
SN46.3 sīlasutta¶
ye te, bhikkhave, bhikkhū sīlasampannā samādhisampannā ñāṇasampannā vimuttisampannā vimuttiñāṇadassanasampannā, dassanampāhaṃ, bhikkhave, tesaṃ bhikkhūnaṃ bahukāraṃ vadāmi; savanampāhaṃ, bhikkhave, tesaṃ bhikkhūnaṃ bahukāraṃ vadāmi; upasaṅkamanampāhaṃ, bhikkhave, tesaṃ bhikkhūnaṃ bahukāraṃ vadāmi; payirupāsanampāhaṃ, bhikkhave, tesaṃ bhikkhūnaṃ bahukāraṃ vadāmi; anussatimpāhaṃ, bhikkhave, tesaṃ bhikkhūnaṃ bahukāraṃ vadāmi; anupabbajjampāhaṃ, bhikkhave, tesaṃ bhikkhūnaṃ bahukāraṃ vadāmi.
taṃ kissa hetu? tathārūpānaṃ, bhikkhave, bhikkhūnaṃ dhammaṃ sutvā dvayena vūpakāsena vūpakaṭṭho viharati, kāyavūpakāsena ca cittavūpakāsena ca. so tathā vūpakaṭṭho viharanto taṃ dhammaṃ anussarati anuvitakketi.
1 yasmiṃ samaye, bhikkhave, bhikkhu tathā vūpakaṭṭho viharanto taṃ dhammaṃ anussarati anuvitakketi, satisambojjhaṅgo tasmiṃ samaye bhikkhuno āraddho hoti; satisambojjhaṅgaṃ tasmiṃ samaye bhikkhu bhāveti; satisambojjhaṅgo tasmiṃ samaye bhikkhuno bhāvanāpāripūriṃ gacchati.
2 so tathā sato viharanto taṃ dhammaṃ paññāya pavicinati pavicarati parivīmaṃsamāpajjati. yasmiṃ samaye, bhikkhave, bhikkhu tathā sato viharanto taṃ dhammaṃ paññāya pavicinati pavicarati parivīmaṃsamāpajjati, dhammavicayasambojjhaṅgo tasmiṃ samaye bhikkhuno āraddho hoti; dhammavicayasambojjhaṅgaṃ tasmiṃ samaye bhikkhu bhāveti; dhammavicayasambojjhaṅgo tasmiṃ samaye bhikkhuno bhāvanāpāripūriṃ gacchati.
3 tassa taṃ dhammaṃ paññāya pavicinato pavicarato parivīmaṃsamāpajjato āraddhaṃ hoti vīriyaṃ asallīnaṃ. yasmiṃ samaye, bhikkhave, bhikkhuno taṃ dhammaṃ paññāya pavicinato pavicarato parivīmaṃsamāpajjato āraddhaṃ hoti vīriyaṃ asallīnaṃ, vīriyasambojjhaṅgo tasmiṃ samaye bhikkhuno āraddho hoti; vīriyasambojjhaṅgaṃ tasmiṃ samaye bhikkhu bhāveti; vīriyasambojjhaṅgo tasmiṃ samaye bhikkhuno bhāvanāpāripūriṃ gacchati.
4 āraddhavīriyassa uppajjati pīti nirāmisā. yasmiṃ samaye, bhikkhave, bhikkhuno āraddhavīriyassa uppajjati pīti nirāmisā, pītisambojjhaṅgo tasmiṃ samaye bhikkhuno āraddho hoti; pītisambojjhaṅgaṃ tasmiṃ samaye bhikkhu bhāveti; pītisambojjhaṅgo tasmiṃ samaye bhikkhuno bhāvanāpāripūriṃ gacchati.
5 pītimanassa kāyopi passambhati, cittampi passambhati. yasmiṃ samaye, bhikkhave, bhikkhuno pītimanassa kāyopi passambhati cittampi passambhati, passaddhisambojjhaṅgo tasmiṃ samaye bhikkhuno āraddho hoti; passaddhisambojjhaṅgaṃ tasmiṃ samaye bhikkhu bhāveti; passaddhisambojjhaṅgo tasmiṃ samaye bhikkhuno bhāvanāpāripūriṃ gacchati.
6 passaddhakāyassa sukhino cittaṃ samādhiyati. yasmiṃ samaye, bhikkhave, bhikkhuno passaddhakāyassa sukhino cittaṃ samādhiyati, samādhisambojjhaṅgo tasmiṃ samaye bhikkhuno āraddho hoti; samādhisambojjhaṅgaṃ tasmiṃ samaye bhikkhu bhāveti; samādhisambojjhaṅgo tasmiṃ samaye bhikkhuno bhāvanāpāripūriṃ gacchati.
7 so tathāsamāhitaṃ cittaṃ sādhukaṃ ajjhupekkhitā hoti. yasmiṃ samaye, bhikkhave, bhikkhu tathāsamāhitaṃ cittaṃ sādhukaṃ ajjhupekkhitā hoti, upekkhāsambojjhaṅgo tasmiṃ samaye bhikkhuno āraddho hoti; upekkhāsambojjhaṅgaṃ tasmiṃ samaye bhikkhu bhāveti; upekkhāsambojjhaṅgo tasmiṃ samaye bhikkhuno bhāvanāpāripūriṃ gacchati.
| 63211 | sīlasampannā | ||||
|---|---|---|---|---|---|
| 59668 | samādhisampannā | ||||
| 28880 | ñāṇasampannā | ||||
| 68744 | vimuttisampannā | ||||
| 68732 | vimuttiñāṇadassanasampannā | ||||
| 61313 | savanaṃ | ||||
| 16088 | upasaṅkamanaṃ | ||||
| 42804 | payirupāsanaṃ | ||||
| 5315 | anussatiṃ | ||||
| 4698 | anupabbajjaṃ | ||||
| 34300 | dvayena | ||||
| 70126 | vūpakāsena | ||||
| 21255 | kāyavūpakāsena | ||||
| 5326 | anussarati | ||||
| 5443 | anuvitakketi | ||||
| 49804 | bhāvanāpāripūriṃ | ||||
| 45799 | #pāripūriṃ | ||||
| 44955 | pavicinato | ||||
| 44953 | pavicarato | ||||
| 44304 | parivīmaṃsamāpajjato | ||||
| 44305 | #parivīmaṃsaṃ | ||||
| 11846 | #āpajjato | ||||
| 9611 | asallīnaṃ | ||||
| 38039 | nirāmisā | ||||
| 46402 | pītimanassa | ||||
| 44759 | passambhati | ||||
| 44744 | passaddhakāyassa | ||||
| 1389 | ajjhupekkhitā | ||||
SN46.5 bhikkhusutta¶
atha kho aññataro bhikkhu yena bhagavā tenupasaṅkami ... ekamantaṃ nisinno kho so bhikkhu bhagavantaṃ etadavoca , ‘bojjhaṅgā, bojjhaṅgā’ti, bhante, vuccanti. kittāvatā nu kho, bhante, ‘bojjhaṅgā’ti vuccantīti?
bodhāya saṃvattantīti kho, bhikkhu, tasmā ‘bojjhaṅgā’ti vuccanti. idha, bhikkhu, satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ ... upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.
tassime satta bojjhaṅge bhāvayato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. vimuttasmiṃ vimuttamiti ñāṇaṃ hoti. ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. bodhāya saṃvattantīti, bhikkhu, tasmā ‘bojjhaṅgā’ti vuccantīti.
| 69618 | vivekanissitaṃ | ||||
|---|---|---|---|---|---|
| 68879 | virāganissitaṃ | ||||
| 38108 | nirodhanissitaṃ | ||||
| 70644 | vossaggapariṇāmiṃ | ||||
| 70643 | #vossagga | ||||
| 43444 | #pariṇāmiṃ | ||||
| 49822 | bhāvayato | ||||
| 21094 | kāmāsavā | ||||
| 49613 | bhavāsavā | ||||
| 10551 | avijjāsavā | ||||
SN46.6 kuṇḍaliyasutta¶
ekaṃ samayaṃ bhagavā sākete viharati añjanavane migadāye. atha kho kuṇḍaliyo paribbājako yena bhagavā tenupasaṅkami; upasaṅkamitvā bhagavatā saddhiṃ sammodi. sammodanīyaṃ kathaṃ sāraṇīyaṃ vītisāretvā ekamantaṃ nisīdi. ekamantaṃ nisinno kho kuṇḍaliyo paribbājako bhagavantaṃ etadavoca.
ahamasmi, bho gotama, ārāmanissayī parisāvacaro. tassa mayhaṃ, bho gotama, pacchābhattaṃ bhuttapātarāsassa ayamācāro hoti, ārāmena ārāmaṃ uyyānena uyyānaṃ anucaṅkamāmi anuvicarāmi. so tattha passāmi eke samaṇabrāhmaṇe itivādappamokkhānisaṃsañceva kathaṃ kathente upārambhānisaṃsañca, ‘bhavaṃ pana gotamo kimānisaṃso viharatī’ti?
vijjāvimuttiphalānisaṃso kho, kuṇḍaliya, tathāgato viharatīti.
katame pana, bho gotama, dhammā bhāvitā bahulīkatā vijjāvimuttiṃ paripūrentīti?
satta kho, kuṇḍaliya, bojjhaṅgā bhāvitā bahulīkatā vijjāvimuttiṃ paripūrentīti.
katame pana, bho gotama, dhammā bhāvitā bahulīkatā satta bojjhaṅge paripūrentīti?
cattāro kho, kuṇḍaliya, satipaṭṭhānā bhāvitā bahulīkatā satta bojjhaṅge paripūrentīti.
katame pana, bho gotama, dhammā bhāvitā, bahulīkatā cattāro satipaṭṭhāne paripūrentīti?
tīṇi kho, kuṇḍaliya, sucaritāni bhāvitāni bahulīkatāni cattāro satipaṭṭhāne paripūrentīti.
katame pana, bho gotama, dhammā bhāvitā bahulīkatā tīṇi sucaritāni paripūrentīti?
indriyasaṃvaro kho, kuṇḍaliya, bhāvito bahulīkato tīṇi sucaritāni paripūretīti.
2 kathaṃ bhāvito ca, kuṇḍaliya, indriyasaṃvaro kathaṃ bahulīkato tīṇi sucaritāni paripūretīti? idha, kuṇḍaliya, bhikkhu cakkhunā rūpaṃ disvā manāpaṃ nābhijjhati nābhihaṃsati, na rāgaṃ janeti. tassa ṭhito ca kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ.
cakkhunā kho paneva rūpaṃ disvā amanāpaṃ na maṅku hoti apatitthīnacitto adīnamānaso abyāpannacetaso. tassa ṭhito ca kāyo hoti ṭhitaṃ cittaṃ ajjhattaṃ susaṇṭhitaṃ suvimuttaṃ.
puna caparaṃ, kuṇḍaliya, bhikkhu sotena saddaṃ sutvā ... ghānena gandhaṃ ghāyitvā... jivhāya rasaṃ sāyitvā... kāyena phoṭṭhabbaṃ phusitvā ... manasā dhammaṃ viññāya manāpaṃ nābhijjhati nābhihaṃsati, na rāgaṃ janeti. tassa ṭhito ca kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. manasā kho paneva dhammaṃ viññāya amanāpaṃ na maṅku hoti apatitthīnacitto adīnamānaso abyāpannacetaso. tassa ṭhito ca kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ.
yato kho, kuṇḍaliya, bhikkhuno cakkhunā rūpaṃ disvā manāpāmanāpesu rūpesu ṭhito ca kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. sotena saddaṃ sutvā ... ghānena gandhaṃ ghāyitvā ... jivhāya rasaṃ sāyitvā ... kāyena phoṭṭhabbaṃ phusitvā ... manasā dhammaṃ viññāya manāpāmanāpesu dhammesu ṭhito ca kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. evaṃ bhāvito kho, kuṇḍaliya, indriyasaṃvaro evaṃ bahulīkato tīṇi sucaritāni paripūreti.
3 kathaṃ bhāvitāni ca, kuṇḍaliya, tīṇi sucaritāni kathaṃ bahulīkatāni cattāro satipaṭṭhāne paripūrenti? idha, kuṇḍaliya, bhikkhu kāyaduccaritaṃ pahāya kāyasucaritaṃ bhāveti, vacīduccaritaṃ pahāya vacīsucaritaṃ bhāveti, manoduccaritaṃ pahāya manosucaritaṃ bhāveti. evaṃ bhāvitāni kho, kuṇḍaliya, tīṇi sucaritāni evaṃ bahulīkatāni cattāro satipaṭṭhāne paripūrenti.
kathaṃ bhāvitā ca, kuṇḍaliya, cattāro satipaṭṭhānā kathaṃ bahulīkatā satta bojjhaṅge paripūrenti? idha, kuṇḍaliya, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu ... dhammesu dhammānupassī viharati ātāpī sampajāno satimā, vineyya loke abhijjhādomanassaṃ. evaṃ bhāvitā kho, kuṇḍaliya, cattāro satipaṭṭhānā evaṃ bahulīkatā satta bojjhaṅge paripūrenti.
kathaṃ bhāvitā ca, kuṇḍaliya, satta bojjhaṅgā kathaṃ bahulīkatā vijjāvimuttiṃ paripūrenti? idha, kuṇḍaliya, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ ... upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ bhāvitā kho, kuṇḍaliya, satta bojjhaṅgā evaṃ bahulīkatā vijjāvimuttiṃ paripūrentīti.
4 evaṃ vutte kuṇḍaliyo paribbājako bhagavantaṃ etadavoca , abhikkantaṃ, bho gotama, abhikkantaṃ, bho gotama! seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya, cakkhumanto rūpāni dakkhantīti; evameva bhotā gotamena anekapariyāyena dhammo pakāsito.
esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gatanti.
| 62055 | sākete | ||||
|---|---|---|---|---|---|
| 1470 | añjanavane | ||||
| 1465 | #añjana | ||||
| 22282 | kuṇḍaliyo | ||||
| 43744 | paribbājako | ||||
| 12475 | ārāmanissayī | ||||
| #ārāma | |||||
| 38308 | #nissayī | ||||
| 44118 | parisāvacaro | ||||
| #parisāyaṃ | |||||
| 10189 | #avacaro | ||||
| 50106 | bhuttapātarāsassa | ||||
| 50103 | #bhutta | ||||
| 45414 | #pātarāsassa | ||||
| 16947 | uyyānena | ||||
| 4426 | anucaṅkamāmi | ||||
| 5412 | anuvicarāmi | ||||
| itivādappamokkhānisaṃsaṃ | |||||
| #iti | |||||
| 66778 | #vāda | ||||
| 42753 | #pamokkha | ||||
| #ānisaṃsa | |||||
| 19901 | kathente | ||||
| upārambhānisaṃsaṃ | |||||
| 16389 | #upārambhe | ||||
| #ānisaṃsaṃ | |||||
| 67649 | vijjāvimuttiphalānisaṃso | ||||
| 67646 | #vijjāvimutti | ||||
| 47580 | #phala | ||||
| #anisaṃso | |||||
| 63655 | sucaritāni | ||||
| 13760 | indriyasaṃvaro | ||||
| 36399 | nābhijjhati | ||||
| 36425 | nābhihaṃsati | ||||
| 27921 | janeti | ||||
| 64432 | susaṇṭhitaṃ | ||||
| 64616 | suvimuttaṃ | ||||
| 8502 | amanāpaṃ | ||||
| 50579 | maṅku | ||||
| 6155 | apatitthīnacitto | ||||
| #apatitthīna | |||||
| 2908 | adīnamānaso | ||||
| 7425 | abyāpannacetaso | ||||
| 51155 | manāpāmanāpesu | ||||
| 21168 | kāyaduccaritaṃ | ||||
| #kāyena | |||||
| 33061 | #duccaritaṃ | ||||
| 21236 | kāyasucaritaṃ | ||||
| 63655 | #sucaritaṃ | ||||
| 65619 | vacīduccaritaṃ | ||||
| #vaciyā | |||||
| 65642 | vacīsucaritaṃ | ||||
| 51249 | manoduccaritaṃ | ||||
| 51298 | manosucaritaṃ | ||||
SN46.14 paṭhamagilānasutta¶
ekaṃ samayaṃ bhagavā rājagahe viharati veḷuvane kalandakanivāpe. tena kho pana samayena āyasmā mahākassapo pippaliguhāyaṃ viharati ābādhiko dukkhito bāḷhagilāno. atha kho bhagavā sāyanhasamayaṃ paṭisallānā vuṭṭhito yenāyasmā mahākassapo tenupasaṅkami; upasaṅkamitvā paññatte āsane nisīdi. nisajja kho bhagavā āyasmantaṃ mahākassapaṃ etadavoca, kacci te, kassapa, khamanīyaṃ kacci yāpanīyaṃ? kacci dukkhā vedanā paṭikkamanti, no abhikkamanti; paṭikkamosānaṃ paññāyati, no abhikkamoti?
na me, bhante, khamanīyaṃ, na yāpanīyaṃ. bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamoti.
sattime, kassapa, bojjhaṅgā mayā sammadakkhātā bhāvitā bahulīkatā abhiññāya sambodhāya nibbānāya saṃvattanti. katame satta? satisambojjhaṅgo kho, kassapa, mayā sammadakkhāto bhāvito bahulīkato abhiññāya sambodhāya nibbānāya saṃvattati ... upekkhāsambojjhaṅgo kho, kassapa, mayā sammadakkhāto bhāvito bahulīkato abhiññāya sambodhāya nibbānāya saṃvattati. ime kho, kassapa, satta bojjhaṅgā mayā sammadakkhātā bhāvitā bahulīkatā abhiññāya sambodhāya nibbānāya saṃvattantīti.
taggha, bhagavā, bojjhaṅgā; taggha, sugata, bojjhaṅgāti.
idamavoca bhagavā. attamano āyasmā mahākassapo bhagavato bhāsitaṃ abhinandi. vuṭṭhahi cāyasmā mahākassapo tamhā ābādhā. tathāpahīno cāyasmato mahākassapassa so ābādho ahosīti.
| 51668 | mahākassapo | ||||
|---|---|---|---|---|---|
| 46161 | pippaliguhāyaṃ | ||||
| 46160 | #pippali | ||||
| #guhāyaṃ | |||||
| 57841 | sattime | ||||
| 60730 | sammadakkhātā | ||||
| 29228 | taggha | ||||
| 29702 | tathāpahīno | ||||
SN46.53 aggisutta¶
evaṃvādino, bhikkhave, aññatitthiyā paribbājakā evamassu vacanīyā , ‘yasmiṃ, āvuso, samaye līnaṃ cittaṃ hoti, katamesaṃ tasmiṃ samaye bojjhaṅgānaṃ akālo bhāvanāya, katamesaṃ tasmiṃ samaye bojjhaṅgānaṃ kālo bhāvanāya? yasmiṃ panāvuso, samaye uddhataṃ cittaṃ hoti, katamesaṃ tasmiṃ samaye bojjhaṅgānaṃ akālo bhāvanāya, katamesaṃ tasmiṃ samaye bojjhaṅgānaṃ kālo bhāvanāyā’ti?
evaṃ puṭṭhā, bhikkhave, aññatitthiyā paribbājakā na ceva sampāyissanti, uttariñca vighātaṃ āpajjissanti. taṃ kissa hetu? yathā taṃ, bhikkhave, avisayasmiṃ.
nāhaṃ taṃ, bhikkhave, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yo imesaṃ pañhānaṃ veyyākaraṇena cittaṃ ārādheyya, aññatra tathāgatena vā tathāgatasāvakena vā ito vā pana sutvā.
2 yasmiṃ, bhikkhave, samaye līnaṃ cittaṃ hoti, akālo tasmiṃ samaye passaddhisambojjhaṅgassa bhāvanāya, akālo samādhisambojjhaṅgassa bhāvanāya, akālo upekkhāsambojjhaṅgassa bhāvanāya. taṃ kissa hetu? līnaṃ, bhikkhave, cittaṃ taṃ etehi dhammehi dussamuṭṭhāpayaṃ hoti.
seyyathāpi, bhikkhave, puriso parittaṃ aggiṃ ujjāletukāmo assa. so tattha allāni ceva tiṇāni pakkhipeyya, allāni ca gomayāni pakkhipeyya, allāni ca kaṭṭhāni pakkhipeyya, udakavātañca dadeyya, paṃsukena ca okireyya; bhabbo nu kho so puriso parittaṃ aggiṃ ujjālitunti? no hetaṃ, bhante.
evameva kho, bhikkhave, yasmiṃ samaye līnaṃ cittaṃ hoti, akālo tasmiṃ samaye passaddhisambojjhaṅgassa bhāvanāya, akālo samādhisambojjhaṅgassa bhāvanāya, akālo upekkhāsambojjhaṅgassa bhāvanāya. taṃ kissa hetu? līnaṃ, bhikkhave, cittaṃ taṃ etehi dhammehi dussamuṭṭhāpayaṃ hoti.
3 yasmiñca kho, bhikkhave, samaye līnaṃ cittaṃ hoti, kālo tasmiṃ samaye dhammavicayasambojjhaṅgassa bhāvanāya, kālo vīriyasambojjhaṅgassa bhāvanāya, kālo pītisambojjhaṅgassa bhāvanāya. taṃ kissa hetu? līnaṃ, bhikkhave, cittaṃ taṃ etehi dhammehi susamuṭṭhāpayaṃ hoti.
seyyathāpi, bhikkhave, puriso parittaṃ aggiṃ ujjāletukāmo assa. so tattha sukkhāni ceva tiṇāni pakkhipeyya, sukkhāni gomayāni pakkhipeyya, sukkhāni kaṭṭhāni pakkhipeyya, mukhavātañca dadeyya, na ca paṃsukena okireyya; bhabbo nu kho so puriso parittaṃ aggiṃ ujjālitunti? evaṃ, bhante.
evameva kho, bhikkhave, yasmiṃ samaye līnaṃ cittaṃ hoti, kālo tasmiṃ samaye dhammavicayasambojjhaṅgassa bhāvanāya, kālo vīriyasambojjhaṅgassa bhāvanāya, kālo pītisambojjhaṅgassa bhāvanāya. taṃ kissa hetu? līnaṃ, bhikkhave, cittaṃ taṃ etehi dhammehi susamuṭṭhāpayaṃ hoti.
4 yasmiṃ, bhikkhave, samaye uddhattaṃ cittaṃ hoti, akālo tasmiṃ samaye dhammavicayasambojjhaṅgassa bhāvanāya, akālo vīriyasambojjhaṅgassa bhāvanāya, akālo pītisambojjhaṅgassa bhāvanāya. taṃ kissa hetu? uddhataṃ, bhikkhave, cittaṃ taṃ etehi dhammehi duvūpasamayaṃ hoti.
seyyathāpi, bhikkhave, puriso mahantaṃ aggikkhandhaṃ nibbāpetukāmo assa. so tattha sukkhāni ceva tiṇāni pakkhipeyya, sukkhāni ca gomayāni pakkhipeyya, sukkhāni ca kaṭṭhāni pakkhipeyya, mukhavātañca dadeyya, na ca paṃsukena okireyya; bhabbo nu kho so puriso mahantaṃ aggikkhandhaṃ nibbāpetunti? no hetaṃ, bhante.
evameva kho, bhikkhave, yasmiṃ samaye uddhataṃ cittaṃ hoti, akālo tasmiṃ samaye dhammavicayasambojjhaṅgassa bhāvanāya, akālo vīriyasambojjhaṅgassa bhāvanāya, akālo pītisambojjhaṅgassa bhāvanāya. taṃ kissa hetu? uddhataṃ, bhikkhave, cittaṃ taṃ etehi dhammehi duvūpasamayaṃ hoti.
5 yasmiñca kho, bhikkhave, samaye uddhataṃ cittaṃ hoti, kālo tasmiṃ samaye passaddhisambojjhaṅgassa bhāvanāya, kālo samādhisambojjhaṅgassa bhāvanāya, kālo upekkhāsambojjhaṅgassa bhāvanāya. taṃ kissa hetu? uddhataṃ, bhikkhave, cittaṃ taṃ etehi dhammehi suvūpasamayaṃ hoti.
seyyathāpi, bhikkhave, puriso mahantaṃ aggikkhandhaṃ nibbāpetukāmo assa. so tattha allāni ceva tiṇāni pakkhipeyya, allāni ca gomayāni pakkhipeyya, allāni ca kaṭṭhāni pakkhipeyya, udakavātañca dadeyya, paṃsukena ca okireyya; bhabbo nu kho so puriso mahantaṃ aggikkhandhaṃ nibbāpetunti? evaṃ, bhante.
evameva kho, bhikkhave, yasmiṃ samaye uddhataṃ cittaṃ hoti, kālo tasmiṃ samaye passaddhisambojjhaṅgassa bhāvanāya, kālo samādhisambojjhaṅgassa bhāvanāya, kālo upekkhāsambojjhaṅgassa bhāvanāya. taṃ kissa hetu? uddhataṃ, bhikkhave, cittaṃ taṃ etehi dhammehi suvūpasamayaṃ hoti.
6 satiñca khvāhaṃ, bhikkhave, sabbatthikaṃ vadāmīti.
| 18200 | evaṃvādino | ||||
|---|---|---|---|---|---|
| 1524 | aññatitthiyā | ||||
| #añña | |||||
| #titthiya | |||||
| 43744 | paribbājakā | ||||
| 18082 | evamassu | ||||
| 65600 | vacanīyā | ||||
| 55863 | līnaṃ | ||||
| 165 | akālo | ||||
| 42307 | panāvuso | ||||
| 15191 | uddhataṃ | ||||
| 46575 | puṭṭhā | ||||
| 60460 | sampāyissanti | ||||
| 14719 | uttariñca | ||||
| 67389 | vighātaṃ | ||||
| 10675 | avisayasmiṃ | ||||
| 12451 | ārādheyya | ||||
| 29678 | tathāgatasāvakena | ||||
| 13515 | ito | ||||
| 33826 | dussamuṭṭhāpayaṃ | ||||
| 648 | aggiṃ | ||||
| 14448 | ujjāletukāmo | ||||
| 14449 | #ujjāletuṃ | ||||
| 9266 | allāni | ||||
| 25375 | gomayāni | ||||
| 14900 | udakavātaṃ | ||||
| 31837 | dadeyya | ||||
| 45191 | paṃsukena | ||||
| 18303 | okireyya | ||||
| 64451 | susamuṭṭhāpayaṃ | ||||
| 63433 | sukkhāni | ||||
| 52790 | mukhavātaṃ | ||||
| 52758 | #mukha | ||||
| 33865 | duvūpasamayaṃ | ||||
| 656 | aggikkhandhaṃ | ||||
| 37620 | nibbāpetukāmo | ||||
| 37621 | #nibbāpetuṃ | ||||
| 58850 | sabbatthikaṃ | ||||
| #sabba | |||||
| 2739 | #atthikaṃ | ||||
← Satipaṭṭhāna Saṃyutta (SN 47) | index | Feedback | Maggasaṃyutta Saṃyutta (SN 45) →